Önceki Sonraki
SOLHAN’DA İŞKUR KURALARI BELLİ OLDU
Üç Kuşaktır Yaptıkları Meslek Birincilik Getirdi
UMKE mahsur kalan hastaları kurtardı
Çatıdan düşen karın altında kalan çocuğun üzerinden, kepçe geçti
Eğitim ve öğretime bir gün süre ile ara verildi

NÎYET


Bu makale 2015-02-21 14:53:08 eklenmiş ve 1173 kez görüntülenmiştir.

Faruk TELCİ
f.telci@solhanmedya.com

Înson ‘emel kenî u in ‘emél yi pé nîyeté yi qiymet genî. Aco ra Îslamîyet zaf qiymet donu nîyeté însonon. Pé nîyet ‘emél însonon hem cé însonon di u hem cé Homé di benu pîl. Eger nîyeté yi xalis bu axîret di zî faydé ‘emelon xwi vînen u. Ina ayet îşaret kena ku herkes kerdon xwi ra yenu perskerdiş:

“Ezmon u war di her çi estu hemi ay Homé î. Wazenî şima çîk zerré xwi di bilimnén u wazenî eşkera bikerén Allah eynon ra şima kaşkenu hesap. Kom biwazu ef kenu u kom biwazu yi ri zî ezab kenu. Quwwét Allah her çî ser ra yen u.” (Beqere: 284)

Hedîsé xwi mubarek di Hz. Péyxember (es) vonu:” Emîru’l-mûmînîn Ebu Hafs Omer laj Xettab ra (re): Va: Mi şinawit peyxembér ma (as) va: ‘Emel ancaq pé nîyet qiymet genî. Qé her merdim çi nîyet kerdu o est u. Her kom şiyiş (hîcret) yi hét Allah u peyxembér bu, şiyiş yi hét Allah u peyxembérî u (Allah xér yi donu). Her kom şiyiş yi hét dinya bu yaxut qé yew cînî bu şiyiş yi hét yınon u (Kom qé dinya xebat bikeru, Allah dinya ra nesîb yi donu u kom qé marikerdiş yew cînî xebat bikeru Allah a cînî marikerdış nesîb yi kenu. Axîret di hét xéri ra yi rî çîk çınyo.” (Buxari u Müslîm)

Alim vonî: Ina hedîs hîrî yaxut çari ra yew Îslom îfade kena. Înson ya pé qelb-fîkrîyat u hîş ya pé zon-qisékerdiş u ya zî pé uzwon xwi-nimaj/rueji… emel kenu u pé qelb emelkerdiş mîyon inyon ra en pîl u.

Yew ‘emel eger qé Homé nîyeru kerdiş qas zerre xér nîgen u. Hedîs di omo rîwayet kerdiş vercu şehîd kaş benu hesapkerdiş u Allah u Teala yi ra persenu “Ti çi emel kerd u?”

-Ya Rebbî! Mi reyé Ti di herb kerd u ez bîya şehîd.” Homa vonu:

-Ti zur kenî. Ti pé înson ti ra vajen merdim pehlîwon herb kerd u in suéz qé ti omé vatiş u baco erzîyenu edir.

Baco merdim alim u wendox Qur’on kaş benu hesapkerdiş u yi ra yenu perskerdiş “ti se kerd?”

-Ez in îlim u Qur’on qé rizé Ti musa wa.” Allah Teala yi ra vonu:

-Ti zur kenî. Ti pé înson ti ra vajen alim u çi weş Qur’on wonenu, ti emél kerd. In zî ti ra omé vatiş….”

Pé nîyet edét benî îbadet.

Mesela merdimék dindonon xwi pak kenu u in pakkerdiş ra zaf hes kenu. La eger ina pakî pé nîyeta sunnét Péyxembér bikeru o wext xér zi genu. Reyi ra çî zirar donu însonon bidu wera u werdiş u şimitiş qé îbadet u taat quwwet bigeru biweru u bişimu. Çimkî pé in kerdişon xwi qé tabîbiyayiş Qasid Homé u rizé Homé ardu ca.

Nîyeté bisilmoné emél yi ra daha rinda u xér a.

Merdim bisilmoni qé Homé emel kenu u la in kerdiş di dor xeton kenu u la nîyeté yi xirabî nîya. Mesela yew merdim véşon vînenu u yi mird kenu u miqaté yi kuenu la o merdim şinu gunon u xeton kenu bisilmoni inyon ra nîyenu perskerdiş. Çimkî yi qé rizé Homé é merdim mird kerdî u qé xirabî bikeru né.

Yew merdim bibi u nomé yi Quzmon bi. Herb Uhud di zaf cengawerî kerd bi la qé Homé emel nîkerdén. Aco ra Hz. Péyxember (es) va:

“In merdim şar adir cehennemî u.” Ték merdim ina suez ra şaş mendî u kotî in merdim dima. Herb di bi birîndar u yew sehabî şi yi ra va:

-Ya Quzman! Herb ti ti rî mubarek bu. Yi va:

-Çi mubarekî! Ez qé Homé nîomîya îtya. Seméd omyayiş mi itya inu ku wa dar xurmon Medîne zirar nîvînén.

Baco birîné yi bî giron u seméd déj xwi kişt.

‘Emel u kerdiş zaf muhîmu la nîyet çinî bu in yew mena îfade nîkenî. Çimkî înson bisilmoni îmon ardu Homé u rueja axîret her kerdiş xwi qé Homé kenu. Çim yi di Homa her çî ra ver yenu. Aco ra çi ‘emel bikeru qé Homé kenu u aco ra Homé ra cennet wazen u. Wayér ina suez çi weş vata:

“Ti qé kom ‘emel kerdu mukafat xwi yi ra biwaz.”

Diğer yazıları...
Köşe Yazarları
 ‹ 
 › 
Hava Durumu
Namaz Vakitleri
Anket
ANAYASA DEĞİŞİKLİĞİNE NE DİYORSUNUZ ?
EVET
HAYIR
Solhan Medya
GÜNDEM
Gazeteler
Trafik Kazaları
RESMİ KURUMLAR
E-Devlet
M.E.B.
Solhan Kaymakamlık
SİYASET
Recep T. Erdoğan
Devlet Bahçeli
Zekeriya Yapıcıoğlu
BİNGÖL
KARLIOVA
SOLHAN
GENÇ
DÜNYA
Avrupa Haberleri
Amerika Gündemi
Suriye İç Savaş
© Copyright 2013 Her Hakkı Saklıdır. Tüm hakları saklıdır.